Kurti emëron Furtuna Sheremetin, Këshilltare të Jashtme Politike për Çështje Juridike

17:34 | 4 Mars 2020
Gita

Kryeministri Kurti emëroi sot Furtuna Sheremeti si Këshilltare të Jashtme Politike për Çështje Juridike

Sipas njoftimit të zyrës për media të Qeverisë së Kosovës, Kryeministri i Republikës së Kosovës, Albin Kurti, emëroi sot znj. Furtuna Sheremeti si Këshilltare të Jashtme Politike për Çështje Juridike.

“Znj. Sheremeti është e lindur dhe e rritur në Prishtinë, ku edhe ka përfunduar studimet për drejtësi në Universitetin e Prishtinës. Ajo ka kryer studimet Master në Kriminologji e Shkenca Penale në Universitetin e Oxfordit në Mbretërinë e Bashkuar. Aktualisht është në vitin e fundit të studimeve të doktoraturës në Universitetin e Leuven-it në Belgjikë, ku po hulumton temën e adresimit dhe matjes së dëmit të shkaktuar nga krimet e kryera gjatë luftës në Kosovë”, thuhet në njoftim./arbresh.info